سید علی سلطان

سید علی سلطان

جناب علی سلطان بینکنگ کی صنعت میں 25 سال سے زائد عرصے کا گراں قدر تجربہ رکھتے ہیں۔ اس طویل مدت کے دروان آپ نے بینکنگ کی صنعت کے متعدد شعبوں میں خدمات انجام دیں اور مڈ ل ایسٹ اور پاکستان کے معروف مالیاتی اداروں کے ساتھ وابستہ رہے۔آپ عالمی سطح پر مارکیٹس، مالیاتی اداروں اور مختلف ممالک کے درمیان مالیاتی امور سے جڑے خطرات و مواقع سے متعلق وسیع تجربہ رکھتے ہیں۔

اس وقت آپ بینک الفلاح لمیٹڈ کے ساتھ بطور گروپ ہیڈ گلوبل ٹریژری اینڈ کیپٹل مارکیٹس وابستہ ہیں، جہاں آپ مقامی مارکیٹ کے ساتھ بین الاقوامی مارکیٹس کا انتظام بھی سنبھال رہے ہیں۔آپ مین کوم،کریڈٹ رسک کمیٹی،انویسٹمنٹ کمیٹی اور ایسیٹ اینڈ لائبلٹی کمیٹی کی انتظامی امور کی کمیٹیوں کے اہم رکن بھی ہیں۔

جناب علی سلطان پانچ سال تک الفلاح جی ایچ پی انویسٹمنٹس کے بورڈ اآف ڈائریکٹرز میں بطور چیئرمین خدمات انجام دے چکے ہیں، اس کے علاوہ آپ ایس ای سی پی کی جانب سے پاکستان مرکنٹائل ایکسچینج کے بورڈ میں بطور نامزد ڈائریکٹر اور پاکستان اسٹاک ایکسچینج کی لسٹنگ کمیٹی میں بھی شمولیت رکھ چکے ہیں۔آپ اسوقت الفلاح جی ایچ پی انویسٹمنٹ کے ساتھ بطور بورڈ ڈائریکٹر بھی منسلک ہیں۔

بینک الفلاح کے ساتھ شمولیت سے قبل جناب علی سلطان اسٹیٹ بینک آف پاکستان کے ساتھ بطور ڈائریکٹر فنانشیل مارکیٹس اینڈ فارن ایکسچینج پالیسی ڈپارٹمنٹ وابستہ تھے۔جہاں آپ کی ذمہ داریوں میں سینٹرل بینک کی اسٹریٹیجک پالیسیوں کا نفاذ ، فنانشیل مارکیٹ کی آبیاری اور اس سلسلے میں پالیسی سازی کے امور بھی شامل تھے۔

آپ اسٹیٹ بینک پاکستان سے قبل بی این پی پاریباس کے ساتھ بطور منیجنگ ڈائریکٹر/ریجنل ہیڈ فنانشیل انسٹی ٹیوشنز وابستہ رہے جہاں آپ مڈل ایسٹ اور نارتھ افریقہ خطوں میں موجود سینٹرل بینکوں، بینکوں،اور این اف بی آئی کو ٹریژری، ٹریڈ اور ایف آئی پروڈکٹس کی فراہمی کے ساتھ انتہائی سینئر سطح پر تعلقات استوار کرنے کی ذمہ داریاں سنھبال رہے تھے۔

آپ نے 10سال سے زائد مدت تک اسٹینڈرڈ چارٹرڈ بینک میں متعدد اہم پوزیشنز پرمتعدد ذمہ داریاں بخوبی سر انجام دیں جہاں آپ نے مڈل ایسٹ اور پاکستان کے بینکوں اور ایف آئی کے لیے گلوبل انویسٹر سیلز بزنس کا انتظام سنبھالا۔

جناب علی سلطان نے کراچی یونیورسٹی سے اپلائیڈ میٹھامیٹکس میں ماسٹرز کی سند حاصل کی ہے اور بعد ازاں انسیڈ سے مینجمنٹ اور لیڈرشپ کے متعدد کورسز بھی کیے ہیں۔آپ نے پاکستان انسٹی ٹیوٹ آف کارپوریٹ گورننس سے سرٹیفکیشن بھی کر رکھی ہے۔

آپ مختلف حکومتوں میں وزراء خزانہ کے ذریعہ قائم کردہ اقتصادی مشاورتی بورڈز (ای اے بی) اور اقتصادی مشاورتی کونسلوں (ای اے سی) کی سربراہی میں پاکستان میں معاشی اصلاحات کے عمل اور مالیاتی منڈیوں کی ترقی میں سرگرم عمل رہے ہیں۔

آپ بین الاقوامی پیشہ ورانہ فورموں جیسے آئی ایم ایف / ڈبلیو بی کے سالانہ اجلاسوں ، ایس آئی بی او ایس ، آئی ایف سی اور اے ڈی بی میں بھی سرگرمی سے حصہ لیتے ہیں۔ انہوں نے 2001 میں اے پی جی-ایف اے ٹی ایف فورم میں سنٹرل بینک کے وفد کی رہنمائی کرکے حکومت پاکستان کی نمائندگی بھی کی۔