شارق جعفرانی

شارق جعفرانی

جناب شارق جعفرانی انسٹی ٹیوٹ آف چارٹرڈ اکاؤنٹنٹس آف پاکستان کے رکن ہیں اور انسٹی ٹیوٹ آف چارٹرڈ اکاؤنٹنٹس آف انگلینڈ اینڈ ویلز سے پیشہ ورانہ مرحلے کے لیے رجسٹرڈ ہیں۔ اس کے علاوہ آپ نے کراچی یونیورسٹی سے اکنامکس میں ماسٹرز ڈگری اور کمپیوٹر سائنسز میں پوسٹ گریجویٹ ڈپلومہ(PGD) بھی حاصل کررکھا ہے۔

جناب جعفرانی نے اپنی پیشہ ورانہ زندگی کا آغاز ارنسٹ اینڈ ینگ (E&Y) چارٹرڈ اکاؤنٹنٹس میں ایک ٹرینی کی حیثیت سے کیا جہاں سے آپ نے اپنی چارٹرڈ اکاؤنٹینسی کی لازمی تربیت کی میعاد مکمل کی اور بعد میں سپروائزری (نگران) عہدوں پر خدمات انجام دیں۔E&Y میں اپنے قیام کے دوران، آپ کا تقرر E&Y کے مختلف مقامات پر کیا گیا جن میں لندن، ایڈنبرا، گلاسکو، کیپ ٹاؤن اور جوہانسبرگ کے دفاتر شامل ہیں۔

جناب جعفرانی نے CDCمیں شمولیت سال 2008میں کمپنی سیکریٹریٹ میں اختیار کی اور بعد میں سینئر منیجر بجٹنگ اینڈ پلاننگ کی ذمہ داری سنبھالنے سے قبل پروڈکٹ ڈویلپمنٹ کے شعبے میں فرائض انجام دیے۔

سینئر منیجر برائے بجٹنگ اینڈ پلاننگ کی ذمہ داریاں نبھانے کے ساتھ ساتھ، جناب جعفرانی صاحب نے 30 جون، 2014 تک آئی ٹی مائنڈز لمیٹڈ کے سی ایف او اور کمپنی سیکریٹری کے طور پر بھی خدمات انجام دیں جوکہ کمپنی کا مکمل ملکیتی ذیلی ادارہ ہے۔

CDCکے سی ایف او اور کمپنی سیکریٹری کی ذمہ داریاں سنبھالنے سے پہلے، آپ نے چیف انٹرنل آڈیٹر کی حیثیت سے بھی فرائض انجام دیے۔

حال ہی میں انہیں ہیڈ آف لیگل کی اضافی ذمہ داری سونپی گئی ہے۔